Ræða við samningamenn um lausn gísla
Setja bókamerki
Joe Biden Bandaríkjaforseti ætlar í dag að funda með bandarískum samningamönnum í von um að ná samkomulagi um lausn gísla í átökum Ísraela og Hamas-samtakanna.
Hvíta húsið greindi frá þessu eftir fregnir um að sex gíslar sem voru í haldi á Gasasvæðinu hefðu verið drepnir, þar á meðal bandarískur ríkisborgari.
Kamala Harris, varaforseti og forsetaefni Demókrataflokksins, verður einnig viðstödd fundinn.
Bandaríkin í samstarfi við samningamenn frá Egyptalandi og Katar hafa eytt mörgum mánuðum í að koma í kring skiptum á gíslum og föngum á Gasasvæðinu, ásamt vopnahléi.
Vígamenn frá Hamas tóku 251 gísl í árás sinni á Ísrael 7. október sem varð kveikjan að stríðinu. 97 þeirra eru enn á Gasasvæðinu, þar á meðal 33 sem Ísraelsher segir að séu látnir.
Tugum gísla var sleppt lausum á meðan á vikulöngu vopnahléi stóð í nóvember.
Gáfu Miðflokknum óvart vægi
Myndir: Guðrún vígð sem biskup Íslands
„Vandamálið er ekki fólkið hérna inni“
„Bryndís Klara er dóttir mín“
Elska að tala um hvali
Sex gíslar fundust látnir í Rafah
Tveir strókar enn virkastir