Úkraínumenn sögðust í morgun hafa skotið niður 22 flugskeyti frá Rússlandi sem var skotið í átt að Kænugarði, höfuðborg Úkraínu, og tveimur öðrum héruðum í landinu. Tveir særðust í árásunum.

Í borginni Sumy í norðausturhluta landsins varð miðstöð fyrir börn og munaðarleysingja fyrir skemmdum eftir flugskeytaárás í gærkvöldi. 13 særðust, þar á meðal fjögur börn, að því er borgarstjórinn Oleksandr Lysenko greindi frá á Telegram.

Frétt af mbl.is

ESB hyggst þjálfa 75 þúsund úkraínska hermenn

Úkraínski flugherinn sagði að hersveitir Úkraínu hefðu í nótt skotið niður 22 flugskeyti frá Rússum og 20 árásardróna.

AFP/Sergei Supinsky

Vitali Klitschko, borgarstjóri Kænugarðs, sagði tvo fullorðna einstaklinga hafa særst og að kviknað hefði í fjórum bílum í borginni.

Vyacheslav Gladkov, héraðsstjóri í Belgorod í Rússlandi sem er við landamærin að Úkraínu, sagði einn hafa særst í loftárás Úkraínumanna í nótt. Bætti hann við að skemmdir hefðu orðið á verslun og að aðstaða fyrir innviði hefði skemmst í borginni Belgorod, sem er samefnd héraðinu.  

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt