Vladimír Pútín Rússlandsforseti segir að hernaður Úkraínuhers í Kúrsk-héraði í Rússlandi muni ekki koma í veg fyrir sókn rússneskra hersveita í austurhluta Úkraínu.

Óvænt innrás Úkraínu í Kúrsk 6. ágúst hefur orðið til þess að um 130 þúsund manns hafa þurft að yfirgefa heimili sín og hafa Úkraínumenn náð völdum á hluta Kúrsk-héraðs.

Frétt af mbl.is

Ráðast inn í Kúrsk til að skapa „hlutlaust svæði“

Síðan þá hafa Rússar haldið áfram sókn sinni inn í austurhluta Úkraínu og hafa þeir ekki dregið herlið sitt á brott þaðan til aðstoðar í Kúrsk.

„Þeir ætluðu að stöðva sókn okkar inn í lykilhluta Donbas [héraðs]. Niðurstaðan er ljós…Þeim tókst ekki að stöðva sókn okkar í Donbas,“ sagði Pútín er hann ræddi við nemendur í Síberíu.

Ónýtur bíll eftir loftárás Úkraínu í Belgorod-héraði í Rússlandi. AFP

Erfið reynsla í Kúrsk

„Niðurstaðan er ljós. Já, fólk er að ganga í gegnum erfiða reynslu, sérstaklega í Kúrsk-héraði. En helsta markmið óvinarins – að stöðva sókn okkar í Donbas hefur ekki tekist,“ sagði hann.

Hann bætti við að sókn Rússa væri á „hraða sem við höfum ekki náð lengi“.

Úkraínsk stjórnvöld hafa sagt að helsta markmið þeirra með því að fara inn í Kúrsk væri að teygja á rússneska hernum og neyða hann til að draga herlið sitt frá austurhluta Úkraínu.

Tengdar fréttir

Úkraína

Segir Biden kynda undir spennu

• Bregðast ókvæða við: Pútín ekki tjáð sig
• Minnst 11 látnir eftir árás á íbúðahverfi
• Gagnrýnir Vesturlönd harðlega vegna Úkraínu
• Rússar stoppi ekki nema þeir séu stöðvaðir

» Fleiri tengdar fréttir

• Blogga um frétt