Rauður dregill fyrir Pútín þrátt fyrir ásakanir
Setja bókamerki
Vladimír Pútín Rússlandsforseti hlaut hlýjar móttökur er hann kom í opinbera heimsókn til Mongólíu.
Þetta er fyrsta heimsókn hans til þjóðar sem er hluti af Alþjóðaglæpadómstólnum (ICC) síðan gefin var út handtökuskipun á hendur honum á síðasta ári.
Pútín lenti í höfuðborginni Ulaanbaatar í gærkvöldi og í morgun er hann mætti til fundar með forseta Mongólíu, Ukhnaagiin Khurelsukh, stóðu hermenn heiðursvörð fyrir hann, auk þess sem rauður dregill hafði verið lagður.
Stjórnvöld í Kænugarði, höfuðborg Úkraínu, Vesturlönd og mannréttindasamtök, hafa krafist þess að Pútín verði handtekinn.
Pútín er eftirlýstur af Alþjóðaglæpadómstólnum í Haag fyrir ólöglegan brottflutning úkraínskra barna eftir að hersveitir hans réðust inn í Úkraínu árið 2022.
Úkraínumenn hafa brugðist harkalega við heimsókn hans og saka Mongólíu um að „deila ábyrgðinni“ með „stríðsglæpum“ Pútíns eftir að stjórnvöld í landinu ákváðu að handtaka hann ekki á flugvellinum.
Dómstóllinn sagði í síðustu viku að öllum þjóðum sem eru hluti af honum beri skylda til að handtaka þá sem hann lýsir eftir.
„Við sem samfélag þolum þetta ekki“
Einari heitt í hamsi á borgarstjórnarfundi
Hefur ekki tekið ákvörðun um framboð
„Á ekki að gerast í okkar samfélagi“
Grunnskólarnir byrjaðir en ekkert bólar á aðgerðum
„Rusladrottningin“ ákærð fyrir glæp gegn umhverfinu