Eldsvoðinn „samansafn áratugalangra mistaka“
Setja bókamerki
Eldsvoðinn í Grenfell-turninum sem varð 72 manneskjum að bana árið 2017 var „samansafn áratugalangra mistaka“ stjórnsýslunnar og starfsfólks innan byggingariðnaðarins.
Þetta kemur fram í niðurstöðum lokaskýrslu um eldsvoðann sem var birt í morgun.
Í skýrslunni, sem markar endalok langrar rannsóknar, eru fyrirtæki sem útveguðu klæðningu og fleira í tengslum við byggingu turnsins sökuð um „kerfisbundinn óheiðarleika“.
Dómarinn fyrrverandi, Martin Moore-Bick, leiddi rannsóknina.
Fljótur að breiða úr sér
Eldurinn, sem kviknaði snemma dags hinn 14. júní, breiddi fljótt úr sér í gegnum bygginguna í vesturhluta Lundúna vegna sérlega eldfimrar klæðningar utan á henni.
Eldurinn kviknaði í frysti á fjórðu hæð og aðeins um hálftíma síðar hafði hann náð upp á efstu hæð blokkarinnar, sem var 24 hæða.
Eldsvoðinn er sá versti í íbúðabyggingu í Bretlandi síðan í síðari heimsstyrjöldinni.
Sinnuleysi slökkviliðsins
Slökkviliðið í Lundúnum er einnig harðlega gagnrýnt í skýrslunni fyrir sinnuleysi yfirmanna. Þeir greindu ekki öðrum frá hættunni sem stafaði af aukinni notkun umræddrar klæðningar og þjálfuðu slökkviliðsmenn ekki sérstaklega vegna hennar.
„Að mínu mati verður ekkert réttlæti fyrr en fólk verður dæmt í fangelsi,“ sagði Sandra Ruiz, sem missti 12 ára frænku sína, Jessicu Urbano Ramirez, í eldsvoðanum.
Lögreglan í Lundúnum segir aftur á móti að rannsókn hennar á málinu munu standa yfir til loka næsta árs. Eftir það munu saksóknarar taka eitt ár í að ákveða hvort einhver verður ákærður.
Sáu eldgosið brjótast út frá Snæfellsnesi
Þórarinn: Tafir á höfuðborgarsvæðinu ekki minni
Búseta skortir byggingarlóðir
„Má segja að þetta gos hafi þjófstartað“
Átti ekki að láta pirring bitna á sjúklingi
Hvað gerðist eiginlega í VMA?
Hraunið náð Njarðvíkuræð: Fylgjast með raflínu