Fjórir létu lífið í skotárás

Fjórir létu lífið og átta særðust í skotárás í framhaldsskóla í Georgíufylki í Bandaríkjunum fyrr í dag.

Þetta kemur fram í tilkynningu frá yfirvöldum á samfélagsmiðlum sem hljóðaði svo:

„Fjórir látnir. Níu til viðbótar voru fluttir á hina ýmsu spítala með áverka. Hinn grunaði er í varðhaldi og á lífi. Upplýsingar um það að hinn grunaði hafi verið felldur eru rangar.“

Hinn grunaði 14 ára

Í frétt CNN kemur fram að hinn grunaði sé 14 ára drengur en ekki er enn vitað hvort hann hafi verið nemandi í framhaldsskólanum.

Joe Biden Bandaríkjaforseti hefur gefið út yfirlýsingu vegna málsins en þar segir að ekki megi halda áfram að samþykkja að atvik sem þessi séu eðlileg.

• Blogga um frétt