Sjö manns voru drepnir, þar á meðal þrjú börn, í loftárás Rússa á borgina Lvív í vesturhluta Úkraínu.

Volodimír Selenskí, forseti Úkraínu, segir að um hryðjuverkaárás hafi verið að ræða.

Frétt af mbl.is

Tugir látnir og fleiri særðir eftir árás Rússa

„Alls hafa sjö manns látist í Lviv, þar á meðal þrjú börn,” sagði Ígor Klímenkó, innanríkisráðherra Úkraínu, á Telegram.

Sírenur ómuðu í Lvív fyrir sólarupprás í morgun, að sögn borgarstjórans Andrí Sadoví, sem ráðlagði fólki að leita skjóls á sama tíma og loftvarnarkerfi reyndu að skjóta niður flugskeyti frá Rússum.

Um 40 manns særðust í árásinni, að sögn embættis saksóknara í Úkraínu. Íbúðabyggingar eyðilögðust í miðborg Lvív, auk skóla og fleiri stofnana.

AFP

Síðan Rússar réðust inn í Úkraínu í febrúar 2022 hafa þeir skotið á loft fjölda árásardróna og gert flugskeytaárásir á Úkraínu.

Lvív hefur að mestu leyti sloppið við helstu átökin síðan stríðið hófst en í síðustu viku skutu Rússar á orkuinnviði í borginni sem olli rafmagnsleysi, að sögn embættismanna.

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• Blogga um frétt