Utanríkisráðherra Úkraínu segir af sér
Dmítró Kúleba á blaðamannafundi í apríl.
AFP/Genja Savílov
Setja bókamerki
Utanríkisráðherra Úkraínu, Dmítró Kúleba, hefur sagt af sér embætti. Forseti úkraínska þingsins greindi frá þessu í morgun.
Afsögnin er sögð hluti af mikilli uppstokkun í úkraínsku ríkisstjórninni.
Ruslan Stefantsjúk, forseti þingins, sagði að þingið hefði fengið uppsagnarbréfið og að greidd yrðu atkvæði um afsögnina fljótlega.
Kúleba, sem er 43 ára, hefur verið utanríkisráðherra frá árinu 2020. Síðan Rússar réðust inn í landið 2022 hefur hann ferðast víða um heiminn í von um stuðning Vesturlanda í stríðinu og refsiaðgerðir gegn Rússum.
Þó nokkrir úkraínskir ráðherrar sögðu af sér embætti í gær, þar á meðal dómsmálaráðherrann.
Ekki að heyra þetta í fyrsta sinn
Vill selja fyrri skammtinn fyrir áramót
Starfsmennirnir móta stefnuna
Einari heitt í hamsi á borgarstjórnarfundi
Segist reikna með að gefa út boð í vikunni
Stórfellt laxeldi áformað