Pútín styður Harris í kosningunum
Setja bókamerki
Vladimír Pútín Rússlandsforseti segist ætla að styðja Kamölu Harris, forsetaframbjóðanda demókrata, í komandi forsetakosningum í Bandaríkjunum, þrátt fyrir að hann sé þekktur fyrir að vera hliðhollur Donald Trump, frambjóðanda repúblikana.
Pútín sagði Joe Biden Bandaríkjaforseta hafa „mælt með því við kjósendur að styðja frú Harris, við styðjum hana einnig“. Hann bætti við: „Hlátur hennar er svo smitandi, sem sýnir að það er í góðu lagi með hana.“
„[Fyrrverandi Bandaríkjaforseti Donald] Trump hefur beitt fleiri refisaðgerðum gegn Rússum en nokkur annar forseti og ef Harris gengur vel þá mun hún kannski ekki grípa til slíkra aðgerða,“ sagði hann.
Pútín lét ummælin falla degi eftir að bandarísk stjórnvöld sökuðu Rússa um að ætla hafa áhrif á forsetakosningarnar. Forsetinn tjáir sig oft á tíðum um stöðu mála í Bandaríkjunum, stundum með kaldhæðnina að leiðarljósi.
Forsetakosningarnar í Bandaríkjunum fara fram 5. nóvember.
Hvassviðri eða stormur norðanlands
Ísland stendur sig verst
Björguðu lífi rétt fyrir eigið andlát
Yfirheyrðu drenginn fyrir ári vegna hótana
Afskrifa má Grindavík í bili
Rafstrengir lagðir til Eyja á næsta ári
Grímuklæddur maður ógnaði stúlkum með hnífi