400 þúsund manns flýja fellibyl

Stjórnvöld á kínversku eyjunni Hainan hafa flutt á brott yfir 400 þúsund manns vegna fellibylsins Yagi sem nálgast óðfluga.

Frétt af mbl.is

Ellefu fórust í flóðum og aurskriðum

Fram kemur í frétt ríkisfjölmiðilsins Xinhua að 419.367 íbúar eyjunnar hafi verið fluttir á brott.

Óttast er að fellibylurinn verði sá kröftugasti í rúman áratug til að fara yfir þéttbýl svæði á suðurhluta Kína.

Íbúi gengur meðfram strönd á Filippseyjum í kjölfar eyðileggingar af völdum Yagi. AFP/Jam Sta Rosa

Tugir þúsunda manna eru einnig í viðbragðsstöðu í nágrannaríkinu Víetnam.

Að minnsta kosti 13 manns fórust á Filippseyjum fyrr í þessari viku af völdum Yagi en þá var hann ekki eins kröftugur og skilgreindur sem hitabeltisstormur.

• Blogga um frétt