„Meðal verstu kynferðisbrotamanna síðustu 20 ára“

Dóttir fransks karlmanns sem réttað er yfir fyrir að hafa fengið tugi ókunnugra manna til að nauðga eiginkonu sinni segir hann „líklega á meðal verstu kynferðisafbrotamanna síðustu 20 ára“.

Dominique Pelicot, 71 árs lífeyrisþegi, hefur játað að hafa misnotað eiginkonu sína án hennar vitundar á árunum 2011 til 2020.

Hann byrlaði henni ólyfjan með svefntöflum og fékk síðan karlmennina í heimsókn á heimili þeirra.

Frétt af mbl.is

„Lögreglan bjargaði lífi mínu“

Caroline Darian á leið í dómsalinn í gær ásamt bróður sínum. AFP/Cristophe Simon

„Hvernig getum við byggt okkur upp á nýjan leik þegar við vitum“ hvað hann gerði, sagði 45 ára dóttir hans, sem notaði dulnefnið Caroline Darian í dómsalnum.

Hún sagði að líf sitt hefði umturnast þegar móðir hennar sagði henni frá því sem gerðist. 

Í kjölfarið hefði hún hafið „hæga leið niður til heljar þar sem þú hefur ekki hugmynd um hversu langt þú munt sökkva“, sagði hún grátandi.

Frétt af mbl.is

Sagður hafa leyft tugum manna að nauðga konu sinni

• Blogga um frétt