Þúsundir mótmæltu nýja forsætisráðherranum
Setja bókamerki
Tugþúsundir Frakka hafa í dag mótmælt tilnefningu hægrimannsins Michel Barnier til forsætisráðherra en vinstrimenn fengu flest þingsæti í kosningum sem haldnar voru í sumar.
Mótmælafundir voru haldnir víðsvegar í Frakklandi, meðal annars í París, Marseille, Nantes, Nice og Starsbourg.
Mótmælin voru boðuð af verkalýðsfélögum og vinstrisinnuðum stjórnmálaflokkum sem eru ósátt með að litið hafi verið fram hjá þeirra ráðherraefni við valið á forsætisráðherra.
Til í að vinna með öllum
Barnier, sem var samningamaður ESB í Brexit-viðræðunum, hefur gefið út að hann sé opinn fyrir því að mynda ríkisstjórn með stjórnmálamönnum sem spanna allt pólitíska litrófið, þar með talið vinstri mönnum.
Ef marka má þann fjölda sem tók þátt í mótmælum dagsins virðast vinstrimenn ekki vera spenntir fyrir þeirri hugmynd og saka þeir Macron jafnvel um að hafa „stolið“ kosningunum af þeim.
Stjórnarkreppa hefur verið í Frakklandi síðan gengið var að kjörborðinu fyrir tveimur mánuðum en fyrrverandi forsætisráðherra landsins, Gabriel Attal, hefur leitt starfstjórn síðan.
Mörg hundruð bænaljós til minningar Bryndísar
„Slíkt væri talið algjörlega galið“
Stimplum stráka ólæsa og uppnefnum þá í sömu andrá
Stórbættur árangur barna
Gerðardómur staðfestir riftunina
„Fyrst til skoðunar þegar bærinn verður orðinn öruggur“
Segja skólaeinkunnir barnanna ónothæfar