Fellibylurinn Yagi herjar á Víetnam

Brú hrundi í Víetnam í dag eftir að hafa orðið fyrir ofurfellibylnum Yagi sem hefur herjað á landið síðan á laugardag. Yfir 60 manns eru nú látnir í Víetnam vegna fellibylsins.

Á vef BBC má sjá upptöku af brúnni, sem staðsett er í héraðinu Phu Tho, hrynja. Að sögn varaforsætisráðherra landsins voru tíu bílar og tvö mótorhjól á brúnni þegar hún hrundi.

Í umfjöllun breska ríkisútvarpsins kemur fram að leit hafi hafist að þrettán manns og enn sem komið er hafi þremur verið bjargað.

Frétt af mbl.is

Þrír látnir og tuga saknað eftir fyllibylinn Yagi

Á fimmta tug farist í aurskriðum og skyndiflóðum

Fellibylurinn hefur valdið gífurlegum usla á norðurhluta landsins yfir helgina. Hafa aurskriður og flóð orsakað rafmagnsleysi hjá milljónum manna.

Þá hafa að minnsta kosti 44 manns farist í aurskriðum og skyndiflóðum að sögn landbúnaðar- og dreifbýlisráðuneytisins í Víetnam.

Greint hefur verið frá því að fellibylurinn sé sá öflugasti í Asíu á þessu ári og hefur vindhraði náð allt að 203 km/klst.

Áður en fellibylurinn náði til Víetnams hafði hann valdið 24 dauðsföllum á suðurhluta Kína og á Filippseyjum.

Stormurinn hefur nú breyst í ákveðna lægð í norðurhluta Víetnam en yfirvöld þar í landi hafa varað við frekari eyðileggingu þegar Yagi mun færast í vesturátt.

Frétt af mbl.is

400 þúsund manns flýja fellibyl

• Blogga um frétt