Sigur Úkraínu veltur á Bandaríkjamönnum
Setja bókamerki
Tengdar fréttir
Úkraína
Volodimír Selenskí, forseti Úkraínu, segir að áætlun Úkraínu um að vinna Rússland í stríðinu sé háð stuðningi Bandríkjamanna.
„Hvað áætlunina varðar um sigur þá veltur hún að mestu á stuðningi Bandaríkjanna og annarra samstarfsaðila,“ sagði Selenskí á blaðamannafundi með Anthony Blinken, utanríkisráðherra Bandaríkjanna, sem er í heimsókn í Kænugarði.
Ummæli Selenskí koma tæpum tveimur mánuðum fyrir forsetakosningarnar í Bandaríkjunum sem gætu verið krefjandi fyrir Úkraínu ef Donald Trump vinnur kosningarnar.
Selenskí hefur sagt að hann muni gera grein fyrir áætlun um að binda enda á stríðið í nóvember. Hann hefur haldið því fram að óvænt innrás úkraínskra hermanna í Kúrsk-hérað í Rússlandi geri Úkraínu kleift að fara í hugsanlegar samningaviðræður úr sterkri stöðu.
Úkraína hélt friðarráðstefnu í júní í Sviss með leiðtogum og æðstu embættismönnum frá meira en 90 löndum en bauð Rússum ekki. Selenskí sagði á dögunum að Rússar ættu að vera með næstu ráðstefnu en frá Kreml hafa komið þau skilaboð að Rússar útiloki viðræður eftir árásirnar í Kúrsk.
Tengdar fréttir
Úkraína
Sagði sorg grúfa yfir landinu
„Hefur engin áhrif á stöðu mína“
„Fyllumst vanmætti við slíkar aðstæður“
„Ánægður með að mér skuli vera sýnt þetta traust“
Vilja færa LHÍ undir þak Tækniskólans
ESA höfðar mál gegn Íslandi
„Græðgi viðskiptabankanna þriggja er taumlaus“
Alvarleg vanskil jukust verulega