Þýsk yfirvöld svara Trump fullum hálsi
Setja bókamerki
Þýsk yfirvöld hafa svarað fullyrðingum Donalds Trumps, fyrrverandi forseta Bandaríkjanna og núverandi forsetaframbjóðanda repúblikana, um orkuframleiðslu í landinu og nýttu tækifærið til að hæðast að öðrum staðhæfingum bandaríska forsetaframbjóðandans í kappræðum gærdagsins.
Undir lok kappræðna Donalds Trumps og Kamölu Harris í gærkvöldi gagnrýndi Trump Harris fyrir að vilja ekki notast við jarðefnaeldsneyti.
„Þýskaland reyndi það og innan árs voruð þau byrjuð að byggja venjuleg orkuver aftur,“ sagði Trump.
Orkukerfið í fullum gangi
Utanríkisráðuneyti Þýskalands svaraði þessu í færslu á samfélagsmiðlinum X í dag þar sem sagði:
„Hvort sem þér líkar það betur eða verr; orkukerfi Þýskalands er í fullri virkni og meira en 50% orkunnar eru endurvinnanleg. Og við erum að loka – ekki byggja – kola- og kjarnorkuverum. Kol munu heyra sögunni til í síðasta lagi árið 2028.“
Þýska ríkisstjórnin var gagnrýnd af loftslagsaðgerðasinnum fyrir tímabundna enduropnun kolaorkuvera árið 2022 og aukinn innflutning á jarðefnaeldsneyti.
Síðan hefur þýskum stjórnvöldum tekist að draga úr notkun jarðefnaeldsneytis.
Á fyrri helmingi þessa árs var hlutur endurnýjanlegra orkugjafa í Þýskalandi 61% á meðan 23% prósent rafmagns var framleitt með kolum.
Borða ekki ketti og hunda
Í færslunni á X nýtti utanríkisráðuneytið sömuleiðis tækifærið til að grínast með aðra staðhæfingu Trumps í kappræðum gærdagsins en þar hélt hann fram að innflytjendur frá Haítí í borginni Springfield steli og borði gæludýr nágranna sinna.
Lögregluyfirvöld í Springfield hafa hins vegar hafnað þessu.
„P.s: Við borðum heldur ekki ketti og hunda,“ sagði undir lok færslu þýska utanríkisráðuneytisins og var þá vísað ummælin.
Sagði sorg grúfa yfir landinu
Vilja færa LHÍ undir þak Tækniskólans
„Hefur engin áhrif á stöðu mína“
Spara allt að 10 milljarða
Myndir: Tómleg Laugardalslaug
Himnasending við Skólavörðuholt
Alvarleg vanskil jukust verulega