Jon Bon Jovi kom konu á brú til hjálpar

Rokkaranum Jon Bon Jovi var hrósað af lögreglunni fyrir að hafa hjálpað konu sem stóð á brú í borginni Nashville í bandaríska ríkinu Tennessee á þriðjudagskvöld og gerði sig líklega til að stökkva þaðan niður.

Lögreglan í Nashville deildi myndskeiði sem sýnir þegar söngvari hljómsveitarinnar Bon Jovi og önnur kona sem voru stödd á John Seigenthaler-göngubrúnni þegar þau komu auga á konuna.

Bon Jovi, 62 ára, og konan sem var með honum nálguðust konuna varfærnislega, töluðu við hana og aðstoðuðu hana við að komast aftur til baka yfir brúarhandriðið, að því er BBC greindi frá.  

Taka upp tónlistarmyndband

„Við þurfum öll að leggja okkar af mörkum til að hjálpa til við að tryggja öryggi annarra,“ sagði John Drake hjá lögreglunni í Nashville í yfirlýsingu.

Bon Jovi virtist hafa verið staddur í Nashville til að taka upp tónlistarmyndband á brúnni, miðað við annað myndefni sem birtist á samfélagsmiðlum.

Embætti land­lækn­is bend­ir á að mik­il­vægt sé að þeir sem glíma við sjálfs­vígs­hugs­an­ir segi ein­hverj­um frá líðan sinni, hvort sem er aðstand­anda eða hafi sam­band við Hjálp­arsíma Rauða kross-ins 1717, eða á net­spjalli 1717.is, við hjúkr­un­ar­fræðing í net­spjalli á heilsu­vera.is eða við ráðgjafa í síma Píeta-sam­tak­anna s. 552-2218. Píeta-sam­tök­in bjóða einnig upp á ráðgjöf og stuðning fyr­ir aðstand­end­ur þeirra sem glíma við sjálfs­vígs­hugs­an­ir.

Fyr­ir þau sem misst hafa ást­vin í sjálfs­vígi bend­ir land­læknisembættið á stuðning í sorg hjá Sorgarmiðstöðinni í síma 551-4141 og hjá Píeta-sam­tök­un­um í síma 552-2218.

• Blogga um frétt