Kamala Harris, forsetaframbjóðandi demókrata, vann kappræðurnar á móti Donald Trump, forsetaframbjóðanda repúblikana, nokkuð afgerandi ef marka má meðaltal þriggja kannana sem ABC tók saman. 

Í nýjasta þætti Spursmála fór blaðamaðurinn Hermann Nökkvi Gunnarsson yfir kappræðurnar og hvaða áhrif þær kynnu að hafa.

Þá var einnig sýnt myndskeið frá AFP-fréttaveitunni, sem hafði tekið saman nokkur áhugaverð augnablik úr kappræðunum. 

Frétt af mbl.is

Spursmál: Misheppnuð mótmæli og sjávarútvegurinn pakkar í vörn

Hér má sjá hvað áhorfendum fannst um kappræðurnar. Tölvuteiknuð mynd/Spursmál

Segja stjórnendur ekki hafa verið sanngjarna

Hermann nefndi að demókratar væru sáttir við frammistöðu Harris en repúblikanar væru með mismunandi skoðanir.

Þó væru flestir repúblikanar á því máli að stjórnendur kappræðnanna hefðu ekki verið sanngjarnir gagnvart Trump, þar sem hann var leiðréttur fyrir að fara með fleipur en Harris ekki, þó að hún hafi einnig verið staðin að því að fara með fleipur. 

ABC tók saman meðaltal þriggja kannana sem gerðar voru meðal kjósenda sem horfðu á kappræðurnar og sögðu 57% Harris hafa staðið sig betur en 34% sögðu Trump hafa staðið sig betur. 9% tóku ekki afstöðu. 

Hér má sjá stöðuna í kjörmannakerfinu að svo stöddy byggt á gögnum RealClear Politics. Tölvuteiknuð mynd/Spursmál

Trump leiðir í kjörmannakerfinu

Kannanir eru rétt byrjaðar að berast í kjölfar kappræðnanna. Samkvæmt RealClear Politics leiðir Trump í kjörmannakerfinu en Harris leiddi í því fyrir viku.

Rétt er að taka fram að þetta er byggt á könnunum sem gerðar voru fyrir kappræðurnar og því verður áhugavert að fara yfir stöðuna að viku liðinni.  

Gera má ráð fyrir því að Harris hafi styrkt sig

Fáir kjósendur eru óákveðnir og er sigur í kappræðum ekki ávísun á sigur í kosningum. Á meðan beðið er eftir könnunum tekur óvissan við um það hver nákvæm áhrif kappræðnanna eru.

Þó má gera ráð fyrir því að Harris hafi styrkt stöðu sína eitthvað. 

Þátt­ur­inn var sýnd­ur hér á mbl.is fyrr í dag en upp­tök­una má nálg­ast í spil­ar­an­um hér að neðan, á Spotify og YouTu­be.

Tengdar fréttir

Forsetakosningar í Bandaríkjunum 2024

Útilokar aðrar kappræður við Harris

• Repúblikanar freista þess að snúa öldungadeildinni
• 67 milljónir fylgdust með kappræðunum
• Kjósendur tjá sig um kappræðurnar
• „Barnlausa kattakonan“ lýsir yfir stuðningi við Harris

» Fleiri tengdar fréttir

Spursmál

Spursmál: Sjávarútvegur í skotlínu stjórnmálamanna

• Spursmál: Misheppnuð mótmæli og sjávarútvegurinn pakkar í vörn
• Rétti barni sínu frekar sígarettur en iPad
• Hvött til að gerast geimfarar eða fá sér stærri brjóst
• Hefði átt að eyða meiri tíma með barninu mínu

» Fleiri tengdar fréttir

• Blogga um frétt