Tala látinna í Líbanon er komin upp í níu eftir að símboðar liðsmanna Hisbollah-hryðjuverkasamtakanna tóku að springa þar í landi í dag. Á meðal hinna látnu var tíu ára gömul dóttir eins liðsmanna hreyfingarinnar.

Þá eru synir tveggja þingmanna, sem tengjast samtökunum, einnig á meðal hinna látnu.

Um 2.800 manns eru særðir eftir sprengingarnar og þar af 200 alvarlega og eru áverkar að mestu á andliti, höndum og maga þeirra særðu.

Frétt af mbl.is

Sprengingar: Átta látnir og hátt í þrjú þúsund særðir

Hisbollah-hreyfingin hefur kennt Ísrael um sprengingarnar og heitið því að landinu verði refsað. Ísrael hefur ekki tjáð sig um atburðarásina.

Það hafa Bandaríkin hins vegar gert en samkvæmt talsmanni utanríkisráðuneytis landsins, Matthew Miller, voru Bandaríkin hvorki viðriðin sprengingarnar né vissi landið af þeim fyrir fram.

Tengdar fréttir

Ísrael/Palestína

Gerðu árásir á skóla og flóttamannabúðir

• Ekki verið nær vopnahléi í rúmlega ár
• Glyttir í vopnahlé: 30 gíslar yrðu frelsaðir
• Á þriðja tug manna lést eftir árás Ísraelsmanna
• Að minnsta kosti 22 sagðir drepnir í loftárásum

» Fleiri tengdar fréttir

• Blogga um frétt