Handteknir eftir skot við grunnskóla

Lögreglan í Ósló hefur fundið skotvopn sem hún telur að geti tengst skotum sem hleypt var af við Linderud-grunnskólann í Groruddalen í austurhluta borgarinnar í gær og mbl.is greindi frá, en mikil skelfing greip um sig í þessum stóra skóla, sem hýsir tæplega 500 nemendur, og hafði lögregla uppi mikinn viðbúnað á vettvangi og leitaði með aðstoð þyrlu og hunda að hugsanlegu fórnarlambi skotárásar og árásarmönnum.

Frétt af mbl.is

Skotum hleypt af við skóla í Ósló

Lögregla verst allra frétta af því hvers kyns vopn hafi fundist en í gær handtók hún þrjá menn á þrítugsaldri sem taldir eru tengjast málinu sem lögregla flokkar undir gróflega ógnun með skotvopnum.

Komið við sögu lögreglu áður

Hefur hinum handteknu verið veitt formleg staða grunaðra og sæta þeir yfirheyrslum í dag en lögregla reiknar með að farið verði fram á gæsluvarðhaldsúrskurð yfir þeim.

Mennirnir hafa komið við sögu lögreglu áður og telja rannsakendur hennar atburðinn í gær ekki hafa verið tilviljanakenndan heldur hafi fleiri átt þar hlut að máli og um einhvers konar uppgjör verið að ræða.

NRK

VG

Dagsavisen

• Blogga um frétt