Ísraelar gerðu umfangsmiklar loftárásir á suðurhluta Líbanons í nótt þar sem skotmörkin voru svæði Hisbollah-samtakanna. Að sögn Ísraelshers skutu herþotur þeirra á yfir 100 eldflaugavörpur, auk þess sem skotið var á vopnageymslur.

Frétt af mbl.is

Myndskeið: Öflug sprengiefni í símboðunum

Líbanska ríkisfréttastofan sagði Ísraela hafa gert að minnsta kosti 52 árásir á suðurhluta landsins.  

Ísraelsk herþota tekur á loft. AFP

Stutt er síðan leiðtogi Hisbollah hét því að grípa til hefndaraðgerða eftir að símboðar sprungu í Líbanon með þeim afleiðingum að 37 fórust og þúsundir særðust. Hisbollah-samtökin, sem njóta stuðnings Írana, kenna Ísraelum um sprengingarnar. Ísraelar hafa enn ekki tjáð sig um þær.

Hassan Nasrallah, leiðtogi Hisbollah. AFP

Hassan Nasrallah, leiðtogi Hisbollah, sagði sprengingarnar vera fjöldamorð og stríðsyfirlýsingu og bætti við að Ísrael muni „hljóta réttmæta refsingu þar sem þeir eiga von á henni og þar sem þeir eiga ekki von á henni“.

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• Blogga um frétt