Viðurkenna annmarka í gæslu öryggisþjónustunnar
Setja bókamerki
Bandaríska öryggisþjónustan hefur greint frá fjölda mistaka stofnunarinnar þegar Donald Trump var sýnt banatilræði í júlí.
Byssumaðurinn Thomas Matthew Crooks tókst að skjóta af þaki nálægt framboðsfundi Trumps, en forsetaframbjóðandinn slapp naumlega með skrekkinn og hlaut sár á hægra eyra.
Í úttekt öryggisþjónustunnar voru „greindir annmarkar á skipulagi og framkvæmd,“ sagði Ronald Rowe yngri, starfandi framkvæmdastjóri öryggisþjónustunnar, í gær.
Bættu ekki úr viðurkenndu vandamáli
Meðal þeirra mistaka sem Rowe greindi voru léleg samskipti við löggæsluna á staðnum, of mikið traust á talsstöðvarkerfi sem leiddi til þess að mikilvægar upplýsingar komust ekki til skila, og vandamál sem tengdust því hvaða staðir voru eða voru ekki í beinni sjónlínu frá öryggisgæslunni.
Það síðastnefnda hafi verið vandamál sem hafi verið „viðurkennt en ekki bætt úr á réttan hátt“ áður en skotárásin átti sér stað.
Kimberly Cheatle, þáverandi yfirmaður öryggisþjónustunnar, sagði af sér í kjölfar atviksins og nokkrir starfsmenn öryggisþjónustunnar hafa verið sendir í leyfi.
Óeðlilegt að sama gjald verði tekið óháð þyngd
Þórður mun ekki taka þingsæti
„Mér var haldið sofandi í níu sólarhringa“
Kosninga- eða jólagos?
„Það er sárt að svona fór“
Vonast eftir breiðri þverpólitískri sátt