Joe Biden Bandaríkjaforseti varar við því að „allsherjarstríð“ gæti brotist út í Mið-Austurlöndum. 

Biden sagði þetta fyrir skömmu í spjallþættinum The View á ABC.

Hann lætur þessi orð falla á sama tíma og ísraelskir hermenn standa í viðbragðstöðu á landamærum Ísraels og Líbanon. Ísra­els­her hefur í dag undirbúið innrás í Líb­anon á jörðu niðri með því að skjóta hundruðum flugskeyta víða um Líbanon.

Frétt af mbl.is

Ísraelar búa sig undir innrás í Líbanon

600 manns látið lífið

„Allsherjarstríð er mögulegt,“ sagði Biden. 

„Það sem ég held líka er að það er enn tækifæri í spilunum á samkomulagi sem gæti breytt svæðinu í grundvallaratriðum,“ bætti hann við og virtist þar viðra hugmyndina um vopnahlé í Líbanon, þar sem 600 manns hafa fallið í árásum Ísraelshers.

„Það er möguleiki – ég vil ekki ýkja hann – það er möguleiki á því, ef við getum náð samkomulagi um vopnahlé í Líbanon, að við getum farið að fást við Vesturbakkann líka,“ sagði forsetinn en fjöldi hefur farist í aðgerðum Ísraelshers á Vesturbakkanum í Palestínu frá því í ágúst. Ísraelar segjast vera að beina spjótum sínum að palestínskum vígamönnum þar. 

Biden nefndi einnig að líka þurfi að fást við Gasa en illa hefur gengið að ná samkomulagi um vopnahlé milli Hamas-hryðjuverkamanna og Ísraelshers.

„En það er mögulegt,“ sagði hann.

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• Blogga um frétt