Háttsettir ráðherrar andvígir vopnahléi
Setja bókamerki
Tveir hásettir ráðherrar í samsteypustjórn Benjamíns Netanjahú, forsætisráðherra Ísraels, hafna tillögu um vopnahlé í Líbanon og hvetja til áframhaldandi baráttu gegn Hisbollah-samtökunum.
Bandaríkin og Frakkland lögðu til á neyðarfundi öryggisráðs Sameinuðu þjóðanna í gær að gert yrði þriggja vikna vopnahlé í Líbanon til þess að hefja sáttaviðræður en Joe Biden, forseti Bandaríkjanna, og Emmanuel Macren Frakklandsforseti hittust á fundi í gær þar sem þeir ræddu vopnahléstillöguna.
Tillagan um vopnahlé kom nokkrum klukkustundum eftir að Herzi Halevi, yfirmaður ísraelska hersins, sagði hermönnum sínum að búa sig undir hugsanlega sókn á jörðu niðri gegn Hisbollah.
Bezalel Smotrich, fjármálaráðherra í ríkisstjórn Ísraels, er andvígur tillögunni um vopnahlé og segir að stríð gegn Hisbollah sé eina leiðin.
„Herferðin í norðri ætti að enda með einni niðurstöðu, það er að mylja Hisbollah niður og útrýma getu þeirra til að skaða íbúa norðursins,“ sagði Smotrich á samfélagsmiðlinum X.
Munum halda áfram að berjast gegn Hisbollah
Israel Katz utanríkisráðherra leggst einnig gegn vopnahléi.
Það verður ekkert vopnahlé. Við munum halda áfram að berjast gegn Hisbollah-hryðjuverkasamtökunum af öllum mætti þar til sigur vinnst og örugg heimkoma íbúa til heimila sinna er tryggð,“ segir Katz á samfélagsmiðlinum X og vísar til tugþúsunda sem hafa verið á flótta vegna ástandsins.
Fullvissa ferðamenn um að hér sé öruggt
Líklega komin á seinni hluta hrinunnar í Svartsengi
/frimg/1/53/8/1530844.jpg)
Myndir: Náttúrulegur þröskuldur að taka við
Maskína: Framsókn í fallbaráttu
„Erum í miðri hrinu“: Styttist í Eldvörp
Drónamyndskeið frá hápunkti gossins í nótt
„Má segja að þetta gos hafi þjófstartað“