Mohammad Reza Aref, fyrsti varaforseti Írans, segir að drápið á Hassan Nasrallah, foringja Hisbollah-hryðjuverkasamtakanna, muni leiða til „tortímingar“ Ísraels.

„Við vörum leiðtoga hernámsstjórnarinnar við því að óréttlátu blóðsúthellingarnar, sérstaklega á píslarvottinum Seyyed Hassan Nasrallah, aðalritara Hisbollah, muni leiða til tortímingar þeirra,“ er haft eftir Reza Aref í íranska fréttamiðlinum ISNA.

Hassan Nasrallah var drep­inn í árás Ísra­els­hers á höfuðstöðvar sam­tak­anna í Beirút í gær­kvöldi.

Frétt af mbl.is

Hisbollah staðfesta dauða leiðtogans

Hryðjuverkaleiðtoginn Hassan Nasrallah var drepinn í gær í loftárás Ísraelsmanna. AFP(Khamenei.ir

Sungu „dauði til Ísraels“

Hisbollah eru ein þungvopnuðustu hryðjuverkasamtök í heimi þökk sé klerkastjórninni í Íran sem fjármagnar þau og styður með vopnum.

Reza Aref sagði enn fremur að klerkastjórnin myndi áfram styðja við íslömsku andspyrnuna í Mið-Austurlöndum.

Svarti sorgarfáninn var dreginn að húni við Imam Reza-bygginguna í borginni Mashhad að sögn ríkisútvarpsins þar í landi.

Syrgjendur söfnuðust saman, veifuðu gulum fánum Hisbollah og sungu: „Dauði til Ísraels“ [e. Death to Israel] eins og myndskeið ríkissjónvarpsins sýndi.

Íranír fóru út á götur til að syrgja Nasrallah. Á ljósmyndinni má sjá að mótmælendur eru með fána Írans en einnig fána Hisbollah-samtakanna. AFP

Tengdar fréttir

Ísrael/Palestína

Lögreglan með mikinn viðbúnað fyrir landsleik

• Krónprins krefst tafarlauss vopnahlés
• Spánverjar banna dönskum skipum að koma til hafnar
• Netanjahú gaf grænt ljós á símboðaárás á Hisbollah
• 13 börn létust í árás

» Fleiri tengdar fréttir

• Blogga um frétt