Að minnsta kosti sex létust í drónaárásum Rússa á sjúkrahús í borginni Súmí í Úkraínu. 

Þessu greindi Igor Klímenkó, innanríkisráðherra Úkraínu, frá á Telegram í nótt. 

Súmí liggur að landamærum rússneska héraðsins Kursk, þar sem Úkraínumenn hófu gagnsókn sína 6. ágúst.

Lögreglumaður á meðal látinna

Klímenkó greindi frá því að tvær árásir hefðu verið gerðar á sjúkrahúsið.

Í fyrri árásinni eyðilögðust nokkrar hæðir sjúkrahússins og einn lést.

Er verið var að flytja starfsfólk og sjúklinga á brott var gerð önnur árás.

Líkt og áður sagði eru sex látnir, þar á meðal er lögreglumaður. 

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• Blogga um frétt