Evrópuráðið heiðraði Machado
Setja bókamerki
Stjórnarandstæðingurinn Marina Corina Machado hefur hlotið mannréttindaverðlaun Evrópuráðsins fyrir baráttu sína fyrir lýðræði í Venesúela sem forsetinn Nicolas Maduro stjórnar með harðri hendi.
Machado kveðst vera djúpt snortin og þakklát og segir það mikinn heiður að vera fyrsta manneskjan frá Suður-Ameríku til að hljóta verðlaunin, sem eru nefnd í höfuðið á fyrrverandi forseta Tékklands, Vaclav Havel.
Machado hefur verið í felum í Venesúela í kjölfar forsetakosninganna í landinu sem Maduro segist hafa unnið. Stjórnarandstaðan í landinu hefur mótmælt því harðlega.
„Ég vil tileinka verðlaunin þeim milljónum Venesúelabúa sem á hverjum degi hafa gildi og hugmyndir Havels í hávegum,“ sagði Machado í myndbandsávarpi, en dóttir hennar, Ana, veitti verðlaununum viðtöku.
Maskína: Framsókn í fallbaráttu
Hluti bílastæðis undir hraun: Ómögulegt að meta tjón
Spara stórfé með olíukaupum ytra
Hraun fór yfir Grindavíkurveg
Mæðgur dæmdar til að greiða 64 milljónir
Beint: Eldgos hafið við Stóra-Skógfell
Mjög alvarlegt ef Njarðvíkuræð gefur sig