Hisbollah viðbúin innrás Ísraelshers
Setja bókamerki
Naim Qassem, næstæðsti leiðtogi Hisbollah–samtakanna, segir samtökin viðbúin innrás Ísraela í Líbanon og tilbúin að verjast komi til átaka á landi. Hann varar jafnframt við að átökin gætu varað lengi.
Hann sendi frá sér ávarp í sjónvarpi í dag þar sem einnig kom fram að samtökin myndu velja sér nýjan leiðtoga við fyrsta tækifæri. Hassan Nasrallah, leiðtogi Hisbollah var drepinn í árás Ísraelshers á höfuðstöðvar samtakanna í Beirút í Líbanon á föstudag.
„Varnarsveitir okkar eru í viðbragðsstöðu“
Í ávarpinu sagði Qassem að Hisbollah–samtökin myndu halda áfram að mæta ísraelska óvininum til stuðnings Palestínu og til varnar líbönsku þjóðinni. Það yrði að bregðast við drápum á almennum borgurum.
„Við munum bregðast við þeirri atburðarás sem kemur upp og við erum tilbúin ef Ísraelsher ákveður að gera innrás á landi. Varnarsveitir okkar eru í viðbragðsstöðu.“
Ein þungvopnuðustu hryðjuverkasamtök í heimi
Heilbrigðisráðuneyti Líbanon greindi frá því um helgina að yfir 700 hefðu látið lífið í árásum Ísraelshers í vikunni sem leið. Þá gerði Ísraelsher fjölda árása á Líbanon í gær, en árásirnar voru sagðar beinast að vopnabúrum Hisbollah. Hisbollah–samtökin gerðu einnig tvær árásir í norðurhluta Ísraels í gær.
Hisbollah eru ein þungvopnuðustu hryðjuverkasamtök í heimi, en klerkastjórnin í Íran hefur stutt þau bæði með fjármagni og vopnum.
Sex ár fyrir hnífstungu við Hofsvallagötu
Rýfur 20 milljóna eintaka múrinn
„Umbjóðanda mínum er mjög létt“
Tveir nýir inn í framkvæmdastjórn Sýnar
„Við í Prís höfum áhuga á að fara á Nesið“
„Ég held að þetta verði ekki svo jafnt“
Fjögurra manna fjölskylda slapp úr brennandi íbúð
