Tveir karlmenn á þrítugsaldri særðust alvarlega í skotárás í Sundbyberg í norðurhluta Stokkhólms í Svíþjóð í gærkvöld.
Mennirnir liggja á sjúkrahúsi en í samtali við sænska ríkisútvarpið SVT í morgun segir Daniel Wikdahl, talsmaður lögreglunnar, að mennirnir séu ekki í lífhættu en skotárásin átti sér stað á Rissne-torgi.
„Okkur grunar að það séu tengsl við alvarlega skipulagða glæpastarfsemi,“ segir Wikdahl en lögreglan rannsakar grun um tilraun til manndráps og alvarlegt vopnalagabrot.