Íran skaut um 180 eldflaugum í átt að Ísrael í kvöld. Ísraelski herinn segir í tilkynningu að afleiðingar árásarinnar eigi eftir að koma betur í ljós, en að minnsta kosti einn lést í árásinni.

Hinn látni var palestínskur verkamaður í borginni Jeríkó í Palestínu. Hann varð fyrir sprengjubroti að sögn Hussein Hamayel, ríkisstjóra í Jeríkó. 

Vitað er að einhverjar flaugar hæfðu skotmörk innan Ísraels en ekki er meira vitað að svo stöddu. 

Ísraelsher hefur heitið hefndum í kjölfar árásarinnar og telja álitsgjafar erlendra fjölmiðla að hefnd Ísraels verði heiftarlegri en eftir síðustu loftárás Írans á Ísrael fyrr á árinu.

Frétt af mbl.is

Árás Írans virðist yfirstaðin

Hamas hrósar hetjulegri árás

Hamas-hryðjuverkasamtökin hrósuðu Íran fyrir árásina og lögðu blessun sína á „hetjulegar“ eldflaugasendingar íranska byltingarvarðarins. 

Byltingarvörðurinn sagði árásina hefndaraðgerð fyrir dráp tveggja leiðtoga, Ismail Haniyeh leiðtoga Hamas og Hassan Nasrallah leiðtoga Hisbollah.

Frétt af mbl.is

Hefna Nasrallah með loftárás

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

Íran gerir árás á Ísrael

Ræddu um að sameina krafta sína

• Reiðubúnir að „verja fullveldi sitt“
• Íranir vara Ísraela við árásum á innviði
• Æðstiklerkur: „Palestínumenn höfðu rétt fyrir sér“
• Olíuverð hækkaði eftir ummæli Bidens

» Fleiri tengdar fréttir

• Blogga um frétt