Tengdasonur Nashrallah drepinn í Damaskus

Hassan Jaafar al-Qasir, tengdasonur Hassan Nasrallah fyrrverandi leiðtoga Hisbollah-samtakanna, var drepinn í ásrás Ísraelshers í Damaskus í Sýrlandi í dag. 

AFP-fréttaveitan greinir frá. 

Nasrallah var veginn í árás hersins í Beirút í Líbanon í síðustu viku.

Ísraelsher gerði árás í Mazzeh-hluta Damaskusborgar í dag og var tengdasonur leiðtogans heitins meðal þeirra sem drepnir voru í árásinni.

Frétt af mbl.is

Hisbollah staðfesta dauða leiðtogans

Önnur árásin á jafn mörgum dögum

AFP vitnar til tilkynningar frá mann­rétt­inda­sam­tök­unum Syri­an Observatory for Hum­an Rights sem segja að auk al-Qasir hafi tveir karlmenn frá Líbanon verið drepnir í árásinni.

Þetta er önnur árás Ísraels á borgina á jafn mörgum dögum. Um er að ræða loftárásir sem beinast að íbúahverfi í Mazzeh-hverfinu. Eru liðsmenn Hisbollah-samtakanna sagðir dvelja þar og einnig liðsmenn íranska byltingarvarðarins. 

• Blogga um frétt