Ayatollah Ali Khamenei æðstiklerk­ur Írans segir að hryðjuverk Hamas-samtakanna í Ísrael fyrir tæplega ári hafi verið „rökrétt og lögmæt“ aðgerð og að Palestínumenn hafi haft „rétt fyrir sér“. Segir hann að íslamskar vígasveitir í Mið-Austurlöndum muni sigra.

Þetta kom fram er hann ávarpaði þúsundir Írana í Teheran höfuðborg Írans en hann hefur ekki tjáð sig opinberlega í kjölfar þess að Íran réðst á Ísrael á þriðjudag.

Frétt af mbl.is

Íran hefur loftárás og skotárás í Tel Avív

„Al-Aqsa-árásirnar [nafnið á hryðjuverkaaðgerðinni] sem áttu sér stað um þetta leyti í fyrra voru rökrétt og lögmæt alþjóðleg aðgerð og Palestínumenn höfðu rétt fyrir sér,“ sagði Khamenei í fágætri bænaræðu í Teheran.

Hamas-samtökin frömdu stórfellda hryðjuverkaárás á Ísra­el 7. októ­ber 2023 þar sem hátt í 1.200 voru myrt­ir og á þriðja hundrað gísl­ar tekn­ir. Vegna árásarinnar hófst stríð á milli Ísraels og Hamas.

Frétt af mbl.is

Frömdu hundruð stríðsglæpa í árásinni

„Andspyrnan“ muni ekki láta undan

Und­ir­sát­ar Írans í Mið-Aust­ur­lönd­un­um eru meðal ann­ars Hamas í Palestínu, Hisbollah-hryðjuverkasamtökin í Líb­anon, upp­reisn­ar­hóp­ur Húta í Jemen ásamt nokkr­um hryðju­verka­hóp­um í Írak sem eru hluti af banda­lagi sem geng­ur und­ir nafn­inu „Íslömsk and­spyrna“.

Hófu þessir hópar að fyrra bragði árásir á Ísrael eftir að þjóðin varð fyrir árás Hamas.

„Andspyrnan á svæðinu mun ekki láta undan þrátt fyrir þessa píslarvættisdauða, heldur sigra,“ sagði Khamenei og vísaði til þess að háttsettir menn í Hisbollah og Hamas hafa verið felldir að undanförnu. 

Hrósaði Hisbollah

Ísrael er nú komið í landhernað í Líbanon. Markmið aðgerðarinnar er að sögn hersins að tryggja öryggi Ísraelsmanna í norðurhluta Ísraels, en um 60 þúsund Ísraelsmenn hafa þurft að flýja heimili sín vegna eldflaugaárása Hisbollah sem hafa staðið yfir frá 8. október á síðasta ári.

Khamenei hrósaði Hisbollah í ávarpi sínu og sagði samtökin vera að vinna „nauðsynlega vinnu fyrir allt svæðið og allan íslamska heiminn“.

Frétt af mbl.is

Er kunnugt um tvo Íslendinga í Líbanon

Fyrir viku síðan felldi Ísrael leiðtoga Hisbollah, Hassan Nasrallah, og fjöldann allan af háttsettum mönnum í samtökunum.

Um 1.000 hafa verið drepnir í árásum Ísraels á skotmörk Hisbollah í Líbanon frá 23. september en ekki liggur fyrir hversu margir eru óbreyttir borgarar eða hluti af Hisbollah.

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

Íran gerir árás á Ísrael

Ræddu um að sameina krafta sína

• Reiðubúnir að „verja fullveldi sitt“
• Íranir vara Ísraela við árásum á innviði
• Olíuverð hækkaði eftir ummæli Bidens
• „Svarið er nei“

» Fleiri tengdar fréttir

• 1 blogg um fréttina

Bloggað um fréttina

• Guðmundur Örn Ragnarsson: Ísraels Guð er sá sem rétt hefur fyrir sér