Netanjahú segir vestrænum leiðtogum að skammast sín
Setja bókamerki
Benjamín Netanjahú, forsætisráðherra Ísraels, segir Emmanuel Macron Frakklandsforseta og öðrum leiðtogum vestrænna ríkja að skammast sín fyrir að kalla eftir því að banna skyldi sölu vopna til Ísraels.
Macron hvatti í dag til þess að vopnaflutningar til Ísraels yrðu stöðvaðir.
„Ég held að í dag sé forgangsatriðið að við snúum aftur til pólitískrar lausnar, að við hættum að afhenda vopn til notkunar í stríðinu á Gasa,“ sagði Macron.
Siðmenntuð ríki ættu að standa með Ísrael
„Á sama tíma og Ísraelar berjast gegn villimannaöflum undir forystu Írans, ættu öll siðmenntuð ríki að standa þétt við hlið Ísraels. Samt ætlar Macron forseti og aðrir leiðtogar Vesturveldanna nú að kalla eftir vopnasölubanni til Ísraels. Þeir ættu að skammast sín,“ sagði Netanjahú í yfirlýsingu seinna í dag.
„Er Íran að setja vopnasölubann á Hisbollah, Húta, Hamas og aðra bandamenn þeirra? Auðvitað ekki.“
Vinni stríðið án stuðnings
Hóparnir þrír njóta stuðnings frá stjórnvöldum í Íran og eru hluti af andspyrnu þeirra gegn Ísrael.
„Hryðjuverkaöxulveldin standa saman en ríki sem eiga að vera andvíg þessum hryðjuverkahópum kalla eftir vopnasölubanni á Ísrael. Þvílík skömm!“ sagði Netanjahú.
Sagði hann að Ísraelar myndu vinna stríðið þrátt fyrir að njóta ekki stuðnings Vesturveldanna.
Ævisaga Geirs H. Haarde að koma út
Tveir skjálftar í Bárðarbungu
„Ömurlegt“ að rifja manndrápið upp
Félagsmenn Sameykis talað fyrir úrsögn úr BSRB
Höfum tekið á móti of mörgum flóttamönnum
/frimg/1/51/98/1519807.jpg)
Ekki dæmigerð dönsk kona
Skrifar um ást og sorg í lífi Jónasar
„Afar skemmtilegt verkefni“
