Svíar vörpuðu handsprengjum 6 sinnum á 5 dögum
Setja bókamerki
Á fimm daga tímabili í síðustu viku voru sex handsprengjuárásir framdar af Svíum í Svíþjóð og Danmörku. Tveir létust í árásunum.
Aftonbladet greinir frá.
Síðastliðinn þriðjudag varð sprenging í suðurhluta Stokkhólms í Svíþjóð og er talið að skotmarkið hafi verið leiðtogi glæpagengis.
Hryðjuverk í Danmörku
Á miðvikudag urðu sprengingar við ísraelska sendiráðið í Danmörku og telur lögreglan að tvær handsprengjur hafi sprungið.
Tveir Svíar voru handteknir í þeirri árás grunaðir um hryðjuverk og annar þeirra er einnig grunaður um skotárás á ísraelska sendiráðið í Svíþjóð deginum áður.
Aðfaranótt fimmtudags sprakk handsprengja í íbúð í Stokkhólmi. Talið er að sprengjunni hafi verið beint að ættingja leiðtoga glæpagengis sem á í átökum við fólk úr Hagsätra-glæpagenginu, samkvæmt upplýsingum Aftonbladet.
Enginn lést í árásinni en aðeins þremur dögum fyrr var skotárás gerð á sama stað.
Tveir drepnir í tveimur árásum
Á föstudag voru tveir drepnir með handsprengjum í Svíþjóð í bæjunum Partille og Gothenbug. Unglingsdrengur undir 15 ára aldri er talinn bera ábyrgð á báðum sprengingum.
Aðfaranótt laugardags var gerð handsprengjuárás í íbúðarhúsnæði í Märsta. Enginn lést en miklar skemmdir urðu á byggingunni.
„Börn heima sem maður myndi vilja hafa í skjóli“
Beint: Ný ríkisstjórn tekin við völdum
Skattamál verði líklega „þeirra mesta klemma“
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
Bjarni: „Útilokað að þetta geti gengið upp“
Ók á hóp fólks á jólamarkaði: Einn látinn
Alvarleg netárás á Wise
