Óttast að Ísraelar fari eins með Líbanon og Gasa
Setja bókamerki
Mannréttindafulltrúar Sameinuðu þjóðanna kalla eftir tafarlausum aðgerðum til að stöðva stigmagnandi styrjöld í Líbanon áður en hún fer að líkjast þeirri eyðileggingu sem við blasir á Gasa.
„Við þurfum að gera allt sem við getum til að koma í veg fyrir að það gerist,“ sagði Matthew Hollingworth, landsstjóri Matvælaáætlunar Sameinuðu þjóðanna (WFP) í Líbanon.
Ávarpaði hann blaðamannafund í Genf frá Beirút og tók fram að hann hefði varið fyrri hluta ársins í að samræma aðgerðir WFP á Gasa áður en hann tók við stjórn skrifstofunnar í Líbanon og hann hefði miklar áhyggjur af svipaðri þróun.
„Sú hugsun sækir stöðugt að mér, frá því ég vakna og þar til ég sofna, að við gætum leiðst inn í sams konar hringiðu tortímingar. Við ættum ekki að leyfa því að gerast,“ sagði hann.
Ísraelar aðallega drepið óbreytta borgara
Stríð Ísraels í Gasa, sem hófst eftir árás Hamas á Ísrael fyrir ári, hefur orðið meira en 41.900 manns að bana.
Með stríðsrekstrinum hafa Ísraelar aðallega drepið óbreytta borgara, að sögn heilbrigðisráðuneytisins sem er á yfirráðasvæði Hamas.
Sameinuðu þjóðirnar hafa sagt tölurnar áreiðanlegar.
Árásin 7. október kostaði 1.206 manns lífið, að mestu óbreytta borgara, samkvæmt tölumAFP sem byggðar eru á opinberum gögnum frá Ísrael, en þær innihalda einnig gísla sem hafa verið drepnir í haldi.
Yfir milljón manns á flótta á tveimur vikum
Átökin sem fylgdu hafa breiðst út til Líbanons, með auknum loftárásum og baráttum á jörðu niðri á milli ísraelskra hermanna og Hisbollah-samtakanna.
Loftárásir Ísraels á Líbanon hafa drepið meira en 1.100 manns og hrakið yfir milljón manns á flótta á innan við tveimur vikum.
Komin á Vernd rúmu ári eftir 12 ára dóm
Engu um að kenna nema handónýtu kerfi
Myndskeið: Fyrsta heimsóknin í Jónshús
Engin skuldbinding, engin ábyrgð
Áhuginn hrynur: Gjörbreytt umhverfi barna
„Hjákátlegt“ að lesa tillögurnar
„Ríkisstjórn Íslands hangir saman á hræðslunni“