Hisbollah skutu á Ísrael: Leiðtogar ræða saman
Setja bókamerki
Hisbollah-samtökin skutu sprengikúlum á Ísrael í morgun og segjast þau jafnframt tvívegis hafa stöðvað tilraunir hermanna Ísraels til að komast yfir landamærin.
Ísraelar sögðu loftvarnir þeirra hafa skotið niður tvær sprengikúlur sem var skotið frá Líbanon. Loftvarnarflautur fóru af stað í kringum Caesarea, suður af borginni Haifa.
Í gær sögðust Hisbollah hafa skotið 180 sprengikúlum í átt að Ísrael, aðallega á svæðinu við Haifa. Á sama tíma hafa Ísraelar sett aukinn kraft í landhernað sinn meðfram suðurströnd Líbanons.
Netanjahú og Biden ræða saman
Benjamín Netanjahú, forsætisráðherra Ísraels, og Joe Biden Bandaríkjaforseti ætla að ræða saman í dag um viðbrögð Ísraela við flugskeytaárás Írans, sem styðja við bakið á Hisbollah, á Ísrael í síðustu viku.
Netanjahú varaði í gær við því að sama eyðilegging gæti orðið í Líbanon og á Gasasvæðinu. Hvatti hann íbúa Líbanons til að losa sig við Hisbollah-samtökin til að hægt væri að ljúka stríðinu.
Bein útsending: Ríkisstjórnarsamstarfið kynnt
„Óviðunandi eftirlit með börnum“
Auglýsingin var villandi
Ný ríkisstjórn kynnt á morgun
Helgi Magnús mætir til starfa í dag
„Börn heima sem maður myndi vilja hafa í skjóli“
Nágrannaþjóðir upplýstar en við vöðum í blindni
„Tímabil aukinnar eldvirkni“