Íranir segjast vera „fullkomlega reiðubúnir til að verja fullveldi sitt“ ef erkióvinur þeirra Ísrael gerir árásir í hefndarskyni á landið vegna flugskeytaárása Írans á Ísrael 1. október.

Frétt af mbl.is

Íranir vara Ísraela við árásum á innviði

Íranir skutu flugskeytum á Ísrael til að hefna sín á drápum Ísraela á tveimur af nánustu samstarfsmönnum þeirra, Hamas-leiðtoganum Ismail Haniyeah og Hisbollah-leiðtoganum Hassan Nasrallah, ásamt írönskum hershöfðingja.

Mynd af Hassan Nasrallah í miðjum húsarústum í úthverfi Beirút í gær. AFP

Yoav Gallant, varnarmálaráðherra Ísraels, hét því fyrr í vikunni að svar þjóðarinnar yrði „banvænt, nákvæmt og óvænt“.

Í ræðu í öryggisráði Sameinuðu þjóðanna í gær sagði fulltrúi Írans, Amir Seeid Iravani, að Íranir væru „fullkomlega tilbúnir til að verja fullveldi sitt og landsvæði gegn hvaða ofbeldi sem er þar sem beint er sjónum gegn því sem er mikilvægt landinu og öryggi þess”.

Ísraelskir hermenn á ferð skammt frá landamærum Ísraels og Líbanon í gær. AFP/Jalaa Marey

Hann bætti því við að Íran vildi hvorki stríð né auka á ólgu á svæðinu en að landið áskildi sér rétt til sjálfsvarnar í samræmi við alþjóðalög.

Abbas Araghchi, utanríkisráðherra Írans, sagði á svipuðum tíma í viðtali við Al Jazeera Arabic í gær að „við viljum ekki stríð“ en „við erum ekki hrædd við það og við verðum tilbúin í hvaða kringumstæður sem er“.

Abbas Araghchi. AFP/Fadel Itani

Tengdar fréttir

Ísrael/Palestína

22 látnir og 117 særðir eftir árás á Beirút

• Á þriðja tug féll eftir loftárás á skólabyggingu
• Skotum hleypt af hjá ísraelsku fyrirtæki í Svíþjóð
• Fimm heilbrigðisstarfsmenn drepnir í Líbanon
• Ásmundur: „Ekkert í þessum texta er ofsagt“

» Fleiri tengdar fréttir

Íran gerir árás á Ísrael

Íranir vara Ísraela við árásum á innviði

• Æðstiklerkur: „Palestínumenn höfðu rétt fyrir sér“
• Olíuverð hækkaði eftir ummæli Bidens
• „Svarið er nei“
• Glappaskots Írans verði hefnt

» Fleiri tengdar fréttir

• Blogga um frétt