Rússar hafa tekið yfir úkraínska þorpið Mykhailivka og nálgast nú borgina Pokrovsk en þangað hafa hersveitir Rússlands stefnt í langan tíma.

Hefur varnamálaráðuneyti Rússlands gefið það út að rússneskar hersveitir hafi tekið yfir þorpið, sem er rétt utan bæjarins Selydove sem hefur séð marga íbúa sína flýja vegna stanslausra skotárása og skemmda.

Frétt af mbl.is

Einn lést og 24 særðust í árásum Rússa

Rússneskar hersveitir hafa að undanförnu verið að færa sig meira til vesturs í Donetsk-héraði í Úkraínu og hafa yfirvöld í Kænugarði sagt ástandið vera virkilega slæmt.

Með því að hafa tekið yfir þorpið nálgast nú Rússland markmið sitt sem er að ná yfir borgina Pokrovsk. Borgin hýsti um 60.000 manns áður en Rússland hóf árás í Úkraínu en hafa margir íbúar yfirgefið borgina eftir innrás Rússlands. 

Tengdar fréttir

Úkraína

Sammála um að koma þurfi á „varanlegum friði“

• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu
• Að minnsta kosti 30 norðurkóreskir hermenn drepnir og særðir

» Fleiri tengdar fréttir

• Blogga um frétt