Árás á íranska innviði ekki í kortunum
Setja bókamerki
Ísraelar hafa fullvissað Bandaríkjamenn um að fyrirhuguð hefndarárás á Íran muni ekki beinast gegn kjarnorku- eða olíuinnviðum landsins.
Bandarískir fjölmiðlar greindu frá þessu í gær.
Ísrael hefur heitið því að hefna fyrir flugskeytaárásir Írana á landið 1. október sem þeir efndu til í hefndarskyni vegna dráps Ísraels á hershöfðingjum sem tengjast Íran.
Ónafngreindir bandarískir embættismenn sögðu The Washington Post að Benjamín Netanjahú, forsætisráðherra Ísraels, hefði fullvissað Hvíta húsið um að skotmörkin í fyrirhugaðri árás á Íran yrðu eingöngu af hernaðarlegum toga.
Hagsmunir Ísraels ganga fyrir
Í tilkynningu frá skrifstofu Netanjahús í morgun kom fram að Ísrael muni hlusta á skoðanir Bandaríkjamanna en að þeir muni bregðast við flugskeytaárás Írans með tilliti til hagsmuna þjóðarinnar.
„Við hlustum á skoðanir Bandaríkjanna en við munum taka endanlegar ákvarðanir sem byggja á hagsmunum þjóðarinnar,“ sagði í tilkynningunni.
21 drepinn í gær
Ísraelar gerðu árásir á austurhluta Líbanons í morgun, að sögn líbanskra fjölmiðla.
Í gær var að minnsta kosti 21 drepinn í árás Ísraela á þorp í norðurhluta landsins.
Engin miskunn
Netanjahú hefur heitið því að sýna Hisbollah-samtökunum enga miskunn.
„Við munum halda áfram án miskunnar að ráðast á Hisbollah á öllum svæðum Líbanons, þar á meðal Beirút,“ sagði Netanjahú í gær, degi eftir að fjórir ísraelskir hermenn voru drepnir í drónaárás Hisbollah á ísraelska herstöð. 60 til viðbótar særðust.
„Börn heima sem maður myndi vilja hafa í skjóli“
Var engin kristnitaka árið 1000?
Beint: Ný ríkisstjórn tekin við völdum
Barn lést í árásinni
Samfylking og Viðreisn gáfu loforð
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
„Tímabil aukinnar eldvirkni“
