Útilokar að gefa eftir landssvæði
Setja bókamerki
Volodimír Selenskí Úkraínuforseti útilokaði í morgun að gefa eftir nokkuð af úkraínsku landssvæði til Rússlands. Á sama tíma kynnti hann fyrir þinginu svokallaða siguráætlun, sem lengi hefur verið beðið eftir.
Í ræðu sem hann hélt greindi hann frá siguráætlun sinni, sem er í fimm liðum.
Selenskí hvatti jafnframt Vesturlönd til að framlengja „boð um að ganga í NATO núna“.
Hann sagði Rússa hafa grafið undan öryggi í Evrópu vegna þess að Úkraína væri ekki hluti af NATO. Einnig ítrekaði hann ósk sína um að Vesturlönd leyfðu Úkraínumönnum að nota langdræg vopn til að skjóta á hernaðarlega mikilvæga staði á rússnesku landssvæði.
Sömuleiðis bað hann um aðstoð við að útvega búnað fyrir hermenn.
Selenskí kvaðst ætla að kynna siguráætlun sína fyrir evrópskum ráðamönnum á morgun.
Mjög alvarlegt ef Njarðvíkuræð gefur sig
Tekist á um áður óþekkta skýrslu landlæknis
Sáu eldgosið brjótast út frá Snæfellsnesi
Einar skorar á næstu ríkisstjórn
Beint: Eldgos hafið við Stóra-Skógfell
Hraunið náð Njarðvíkuræð: Fylgjast með raflínu
Á algjöru frumstigi eftir þrjár vikur af verkfalli