Hafa mögulega fellt leiðtoga Hamas
Setja bókamerki
Mögulegt er að Yahya Sinwar, leiðtogi Hamas-hryðjuverkasamtakanna, hafi verið felldur í hernaðaraðgerð ísraelska hersins á Gasaströndinni fyrr í dag.
Ísraelski herinn segist vera að athuga hvort Sinwar hafi fallið.
Sinwar var valinn nýr stjórnmálaleiðtogi Hamas í kjölfar þess að Ismail Haniyeh, fyrrverandi stjórnmálaleiðtogi samtakanna, var drepinn í loftárás Ísraels í Tehran, höfuðborg Íran, í júlí.
Sinwar fæddist árið 1962 í Khan Younis-flóttamannabúðunum í suðurhluta Gasa. Hann var einn stofnanda al-Qassam-herdeildanna og Majd, sem heldur utan um innri öryggismál hernaðarvængs Hamas á Gasasvæðinu.
Þá fór hann með stjórn á Gasa síðan árið 2017. Hann hafði verið skilgreindur sem alþjóðlegur hryðjuverkamaður af bandaríska utanríkisráðuneytinu síðan árið 2015 og var talinn vera einn skipuleggjanda árásar Hamas á Ísrael þann 7. október í fyrra.
Hann var handtekinn af Ísraelsmönnum árið 1988 fyrir hryðjuverkastarfsemi og var í kjölfarið dæmdur í fjórfalda ævilanga fangelsisvist. Honum var hins vegar sleppt úr haldi þegar um eitt þúsund palestínskum arabískum Ísraelum var sleppt úr haldi í skiptum fyrir ísraelska hermanninn Gilad Shalit, sem Hamas hafði í haldi í fimm ár.
Þórarinn: Tafir á höfuðborgarsvæðinu ekki minni
Spara stórfé með olíukaupum ytra
Óttast að fólk fari aftur að eyða peningum
Úlfar: Heppileg tímasetning á gosinu
Búseta skortir byggingarlóðir
Erlendir miðlar greina frá tíunda gosinu
Borgin verður af milljörðum eftir dóm Hæstaréttar