Sinwar var skotinn í höfuðið
Setja bókamerki
Banamein Yahya Sinwar, leiðtoga hryðjuverkasamtakanna Hamas, var skot í höfuðið.
Þetta kom í ljós eftir krufningu á líki Sinwar, að því er The New York Times greina frá, en hann lést á miðvikudag.
Ekki hafði sést til Sinwar síðan 7. október er Hamas réðst inn í Ísrael og drápu um 1.200 manns. Hann var talinn vera einn skipuleggjenda árásarinnar.
Sáu Sinwar fyrir tilviljun
Í frétt New York Times er greint frá því að hópur ísraelskra hermanna hafi verið á ferð um borgina Rafah þegar þeir sáu þrjá palestínska vígamenn á ferð. Einn þeirra var Sinwar.
Hermennirnir eltu vígamennina þrjá en Sinwar klofnaði frá hópnum og faldi sig í byggingu skammt frá. Einn hermannanna byrjaði að skjóta á bygginguna þar sem Sinwar faldi sig.
Ísraelskir fjölmiðlar og embættismenn hersins greina frá því að ekki var vitað til þess að Sinwar væri á svæðinu.
Birtu myndskeið af síðustu augnablikum Sinwar
Ísraelski herinn birti myndskeið í kjölfar drápsins þar sem má sjá síðustu mínútur Sinwars á lífi. Hann situr í hægindastól þakinn ryki og horfir á drónann í örskamma stund áður en hann kastar priki í átt að honum.
Skömmu síðar var hann skotinn í höfuðið og lést.
Morguninn eftir árásina fannst lík hans í rústum hússins, sem hafði hrunið að hluta í kjölfar sprengjuárása, að sögn ísraelskra ráðamanna.
Varð brugðið þegar hún sá upphæðina
Kennarar í MR samþykkja verkfall
Mikill viðbúnaður við Stuðla
Bryndís vill halda 3. sæti á lista
Ganga sátt af fundi eftir „einlæga“ afsökunarbeiðni
Forsetaframbjóðendur flykkjast í framboð