Saka Verkamannaflokkinn um afskipti af kosningunum
Setja bókamerki
Kosningateymi Donalds Trumps, forsetaframbjóðanda Repúblikanaflokksins, hefur sent inn kvörtun til bandaríska kosningaeftirlitsins (FEC) vegna Verkamannaflokksins í Bretlandi. Hann er sakaður um að hafa afskipti af bandarísku forsetakosningunum með því að styðja kosningabaráttu Kamölu Harris, forsetaframbjóðanda Demókrataflokksins.
Í kvörtuninni er lýst yfir óánægju með samskipti á milli Verkamannaflokksins og kosningateymis Harris, auk þess sem sett er út á störf sjálfboðaliða sem hafi ferðast frá Bretlandi til Bandaríkjanna til að styðja hana. Telur kosningateymið að þetta jafngildi ólöglegum erlendum framlögum til kosningabaráttunnar, að því er BBC greindi frá.
Keir Starmer, forsætisráðherra Bretlands, segir sjálfboðaliða starfa innan Verkamannaflokksins og að þeir styðji kosningabaráttu Harris í frítíma sínum. „Þeir dvelja þarna, að ég held, með öðrum sjálfboðaliðum,” sagði Starmer, þegar hann var spurður út í kvörtun kosningateymisins.
Forseti Alþingis kveður þingið
Bjarni til liðs við Græningja
Stuðningur við foreldra nauðsynlegur
Selenskí kemur til Íslands
Ingibjörg leiði Miðflokkinn í Norðvesturkjördæmi
Þéttsetinn dómsalur næstu daga
Úthugsað eða alvarlegt reynsluleysi
Fella niður skólastarf á morgun