„Ögrun sem ógnar alþjóðaöryggi“
Setja bókamerki
Tengdar fréttir
Norður-Kórea
Yoon Suk Yeol, forseti Suður-Kóreu, segir að stjórnvöld í landinu muni ekki sitja aðgerðalaus vegna þátttöku þúsunda norðurkóreskra hermanna í stríðinu í Úkraínu þar sem útlit er fyrir að þeir berjist við hlið Rússa.
„Suður-Kóra mun ekki sitja aðgerðalaus út af þessu,“ sagði Yoon eftir viðræður við Andrzej Duda, forseta Póllands.
Yoon bætti við að þjóðirnar tvær væru sammála því að þátttaka Norður-Kóreu í stríðinu væri „ögrun sem ógnar alþjóðaöryggi sem nær lengra en til Kóreuskagans og Evrópu“.
Bandaríkin greindu í gær frá því að að minnsta kosti þrjú þúsund norðurkóreskir hermenn hefðu verið sendir til Rússlands og væru í þjálfun þar. Áður hafði Volodimír Selenskí Úkraínuforseti sagt að hermennirnir yrðu tíu þúsund talsins.
„Við vitum ekki hvort þessir hermenn muni berjast við hlið rússneska hersins,“ en „ef þessir norðurkóresku hermenn ákveða að taka þátt í stríðinu gegn Úkraínu virða þeir lögmæt hernaðarleg skotmörk,“ sagði John Kirby, talsmaður þjóðaröryggisráðs Bandaríkjanna.
Tengdar fréttir
Norður-Kórea
„Mér finnst gamla Samfylkingin komin aftur“
Fyrsti blaðamannafundurinn í heild sinni
„Tímabil aukinnar eldvirkni“
Bjarni: „Útilokað að þetta geti gengið upp“
Ók á hóp fólks á jólamarkaði: Einn látinn
Samfylking og Viðreisn gáfu loforð
Funda með þingflokkum
Lát hjóna í Neskaupstað: Ákæra gefin út
