Menendez-bræður gætu losnað úr fangelsi
Setja bókamerki
Lyle og Erik Menendez, bræðurnir sem voru dæmdir fyrir að hafa myrt foreldra sína með köldu blóði árið 1989, gætu losnað úr fangelsi eftir að saksóknari sagðist í gær ætla að biðja dómara um að endurskoða dómana sem þeir hlutu.
/frimg/1/51/96/1519620.jpg)
Bræðurnir voru dæmdir í lífstíðarfangelsi án möguleika á reynslulausn fyrir að hafa skotið foreldra sína til bana á heimili þeirra í Beverly Hills.
Á þeim tíma sögðu saksóknarar að bræðurnir hefðu ákveðið að drepa þau Jose og Mary Louise „Kitty“ Menendez, til að komast fyrr yfir 14 milljóna dollara arf, sem jafngildir um tveimur milljörðum króna, sem þeir áttu að fá.
Verjendur bræðranna sögðu aftur á móti að þeir hefðu orðið fyrir langvarandi kynferðisofbeldi af hálfu föður þeirra. Á endanum hefðu þeir misst stjórn á sér og drepið foreldra sína.
Vill að nýr dómur verði kveðinn upp
„Eftir að hafa skoðað röksemdafærslurnar mjög vandlega…tel ég að samkvæmt lögunum sé viðeigandi að kveða upp nýjan dóm og ég ætla að mæla með því að við dómstólinn á morgun,“ sagði George Gascon, saksóknari í Los Angeles-sýslu, í gær.
Gascon sagðist ætla að mæla með því að bræðurnir yrðu dæmdir fyrir morð, en ákæra þess efnis felur í sér 50 ára til lífstíðarfangelsi.
„Miðað við að þeir voru yngri en 26 ára á þeim tíma þegar glæpirnir voru framdir gætu þeir strax átt möguleika á reynslulausn,“ sagði hann.
Sérstakar kringumstæður
Hann kveðst ekki leggja blessun sína yfir ofbeldisfull morð Menendez-bræðranna, sem voru 19 og 21 árs þegar þau voru framin, en telur að kringumstæðurnar hafi verið sérstakar.
„Ef þú ert misnotaður þá er rétta leiðin að tala við lögregluna og fá hjálp. En ég get skilið það að stundum verður fólk örvæntingarfullt.“
Skilaboðin í heild sinni: Dagur „aukaleikari“
30% afsláttur á flugfargjöldum Icelandair
Forseti Alþingis kveður þingið
Langalangamman kveikti áhugann
„Þá liggur beinast við að strika hann út“
Leggur til breytingar á öðru en gagnsæi
Selenskí kemur til Íslands
Bjarni til liðs við Græningja