Norska lögreglan hefur hætt rannsókn á máli Sissel Knutsen Hegdal, fyrrverandi borgarstjóra Stavanger.
Norska ríkisútvarpið greinir frá.
Málið snerist um mögulegan fjárdrátt Hegdal. Grunur var um að hún hefði notað fjármuni borgarstjórnarflokks Høyre-flokksins í eigin þágu.
Lögregla yfirheyrði Hegdal og komst að þeirri niðurstöðu að ekki væri grundvöllur til að halda áfram með málið. Vísar lögregla til strangra sönnunarskyldu í sakamálum.
Halvard Helle, lögmaður Hegdal, segir það ekki hafa verið auðvelt fyrir Hegdal að vera til rannsóknar hjá lögreglu. Hann segir niðurstöðu lögreglu um að hætta rannsókn ekki koma sér á óvart.
„Niðurstaðan er skýr: Hún hefur ekkert gert rangt,“ segir Halle.