Í uppfærðri útgáfu af ævisögu Karls III Bretlandskonungs, sem er skrifuð af konunglega rithöfundinum Robert Hardman, kemur fram að Karl hafi ákveðið að hætta að borga fyrir öryggisgæslu og viðhald á húsi bróður síns, Andrésar Bretaprins, hertogans af York.

BBC greinir frá.

Samanlagt er talið að þessi kostnaður nemi nokkrum milljónum punda á ári.

Andrés prins hefur verið undir fjárhagslegum þrýstingi vegna kostnaðar við að reka 30 herbergja heimili sitt í Royal Lodge í Windsor.

Hann gæti því þurft að fjármagna allt sjálfur sem er ólíklegt að hann geti til langs tíma litið.

Þrýst á prinsinn að flytja í ódýrara húsnæði

Buckingham–höll hefur neitað að tjá sig um þessar fullyrðingar sem fram koma í bókinni. 

Þá hefur prinsinn, sem hefur ekki lengur opinberan talsmann, ekki tjáð sig um þessi mál.

Þrýst hefur verið á hann að flytja í ódýrara og íburðarminna húsnæði, en hann hefur ekki tekið vel í þá hugmynd.

Frétt af mbl.is

„Hann ætti að vera ósýnilegur“

Þessi fjárhagslegi þrýstingur á prinsinn kemur eftir útgáfu tveggja aðskildra kvikmynda á þessu ári sem gerðar voru af Netflix og Amazon um viðtal hans við BBC Newsnight árið 2019. Þar var hann spurður út í tengsl sín við bandaríska kynferðisafbrotamanninn Jeffrey Epstein.

Andrés, sem býr í Royal Lodge ásamt fyrrverandi eiginkonu sinni Söruh Ferguson, er ekki lengur starfandi meðlimur konungsfjölskyldunnar.

Hann gerði leigusamning á Royal Lodge árið 2003 og gildir hann til ársins 2078.

Tengdar fréttir

Kóngafólk

Gagnrýnd fyrir að stæla Díönu prinsessu

• Vinkona Margrétar prinsessu opnar sig
• Harry var lamb leitt til slátrunar
• Mette-Marit komin í veikindaleyfi
• Bretakonungur fær kynningu á ónæmisbælandi meðferð

» Fleiri tengdar fréttir

• Blogga um frétt