Tala látinna heldur áfram að hækka
Setja bókamerki
Leit að fólki sem enn er saknað í Valencia-héraði eftir hamfaraflóðin fyrr í vikunni heldur áfram og hafa almannavarnir á Spáni sent fleiri viðbragðsaðila á svæðið.
Staðfest hefur verið að 217 hafi týnt lífi í flóðunum og langflestir í héraðinu, eða 214. Ríkislögreglan á Spáni er með leitarhunda og dróna til að aðstoða við leit að fólki sem gæti verið fast á svæðum sem erfitt er að ná til.
Á meðan Filippus Spánarkonungur heimsótti bæinn Paiporta sem er illa leikinn eftir flóðin hélt Ángel Torres innviðaráðherra blaðamannafund í Madríd. Hann neitaði að gefa upp neinar tölur um fjölda þeirra sem enn er saknað. Talið er að 60 manns hafi farist í Paiporta.
Tugir manna eru enn ófundnir og um 3.000 heimili eru enn án rafmagns að sögn embættismanna.
Flóðin á Spáni eru þau mannskæðustu frá árinu 1967 en það ár létust 500 í miklum flóðum í Portúgal.
Feðgar saman í Grænlandstúr á jólum
Óveður heldur Holtavörðuheiði lokaðri
Ofmeta sparnað í stjórnarráðinu
Segir umsókn að ESB vera óvirka
Strandveiðar „efnahagsleg sóun“
Ekkert ferðaveður og vegalokanir á jóladag
„Mikilvægt að hvíla viðbragðið“