Repúblikaninn Ted Cruz lagði demókratann Colin Allred í baráttunni um sæti í öldungadeild Bandaríkjaþings fyrir hönd Texas. 

Þetta sýnir útgönguspá NBC-fréttastofunnar.

Sigurinn kemur ekki mörgum á óvart enda hefur Texas verið á valdi repúblikana í áratugi. Þá er Cruz enginn nýgræðingur en hann hefur setið í tvö kjörtímabil í öldungadeildinni.

Allred veitti þó óvænta mótspyrnu á síðustu vikum. Varði demókratinn milljónum dala í sjónvarpsauglýsingar og markaðsherferðir þar sem hann vakti m.a. athygli á að Cruz styddi bann við þungunarrofi eftir sex vikna meðgöngu. 

Þrátt fyrir það greiddu um 47% kvenna atkvæði með Cruz.

Þá fékk hann mikinn stuðning meðal kjósenda af rómönskum uppruna (e. latino).

Frétt af mbl.is

Talið upp úr kjörkössunum

Tengdar fréttir

Kosningar í Bandaríkjunum 2024

Repúblikanar taka yfir öldungadeildina

• Harris ætlar ekki að tjá sig að sinni
• Repúblikanar hirða annað sæti af demókrötum
• Trump sigrar í öðru sveifluríki
• Telur Trump hafa sigrað í fyrsta sveifluríkinu

» Fleiri tengdar fréttir

• Blogga um frétt