Tveir nemendur menntaskólans Alléskolan í Hallsberg í Svíþjóð voru stungnir með hnífi í dag. Þeir voru fluttir á sjúkrahús og hefur skólahald verið lagt niður.

Sænska ríkisútvarpið, SVT, greinir frá þessu en atvikið átti sér stað á skólalóðinni. Skólastarfi hefur verið hætt en skólinn áformar að opna aftur á morgun.

Á heimasíðu skólans kemur fram að alvarlegt atvik hafi átt sér stað í skólanum.

„Tveir nemendur voru stungnir og hafa verið fluttir á sjúkrahús til aðhlynningar. Atvikið átti sér stað á skólalóðinni,“ segir á vef skólans en ekki er vitað um líðan þeirra sem urðu fyrir hnífstungunum.

Lögreglan var fljót á vettvang og hefur girt svæðið af og rætt við vitni. 

„Þegar við komum á vettvang fundum við tvo slasaða sem hafa nú verið fluttir á sjúkrahús með sjúkrabíl,“ segir Evelina Åström, talsmaður lögreglunnar við Aftonbladet.  Hún vildi ekki tjá sig um hvort einhverjir séu grunaðir um verknaðinn.

Tengdar fréttir

Óöld í Svíþjóð

14 ára piltur grunaður um skotárásir

• Ákærður fyrir að myrða tvö börn sín
• Ákærðir fyrir háskalegar árásir
• Morðrannsókn hafin eftir að kona fannst látin í Lundi
• Skotárás á sænska rakarastofu

» Fleiri tengdar fréttir

• Blogga um frétt