Danska lögreglan stendur á gati
Setja bókamerki
Enn er óljós orsök eldsvoðans mikla, sem braust út í Børsen-byggingunni í Kaupmannahöfn í apríl.
Þetta er niðurstaða rannsóknar lögreglu, sem hefur samt sem áður útilokað glæpsamlegt athæfi þennan dag, 16. apríl.
Helmingur byggingarinnar, sem er frá 17. öld, eyðilagðist og 54 metra há turnspíran féll til jarðar eftir að eldur braust út undir þaki byggingarinnar árla morguns.
Ein elsta og þekktasta byggingin
Í næstum sjö mánuði hefur lögreglan rannsakað eldsupptökin með tæknilegu mati, skoðað upptökur eftirlitsmyndavéla og tekið skýrslur af vitnum. Ekkert hefur þó hjálpað henni að öðlast innsýn í orsök brunans, að því er segir í tilkynningu frá embættinu í dag.
Børsen er ein elsta og þekktasta bygging Kaupmannahafnar og hýsti danska viðskiptaráðið auk mikils safns listaverka.
Nokkur hundruð listaverkum var enda bjargað undan eldinum.
Það var svo í lok september sem Friðrik Danakonungur vígði endurbyggingu Børsen.
Traust til kvenleiðtoga fer minnkandi
Telja sig geta rekið Grindavík til 2026
Komið „meira púður“ í viðræðurnar
Ránið var framið í strætóskýli
Komu fólki til aðstoðar í Ísafjarðardjúpi
Sleginn yfir grófri framkomu gegn fjölskyldunni
Munu áfrýja beint til Hæstaréttar
Önnur aurskriða við Eyrarhlíð
